გამოკითხვა ბოლნისში

7 ოქტომბერს ბოლნისის #5 საჯარო სკოლის სამოქალაქო კლუბის წევრებმა ჩაატარეს ბოლნისის მოსახლეობის გამოკითხვა წინდაწინ შედგენილი კითხვარის მიხედვით. იხილეთ ვიდეო:   http://www.youtube.com/watch?v=DUWFoobjZJA

სოც.მედიის ტრენინგი ბოლნისის სკოლებისთვის

7 ოქტომბერს ბოლნისის #5 საჯარო სკოლაში სოც.მედიის ტრენინგი ჩაუტარდათ სასკოლო სამოქალაქო კლუბის წევრებს, კერძოდ, ბოლნისის #1, #3, #5, რატევანისა და ტანძიის 6 მოსწავლეს. ტრენინგზე ისწავლეს ბლოგის შექმნა და მისი ფუნქციონირება.  ტრენინგის დასაწყისში სოც.მედიის კოორდინატორმა ეთერ პაიჭაძემ შეხვედრის მონაწილეებს გააცნო სამოქალაქო განათლებისა და პედაგოგთა გადამზადების პროგრამის პორტალი  http://civics.ge/ და მცირე გრანტების საიტი http://initiatives.ge/ .
მოსწავლეებმა ტრენინგის დროს შექმნეს თავიანთი კლუბების ბლოგები, რომლებზეც განათავსებენ კლუბის საქმიანობის ამსახველ მასალას.

საკონსულტაციო შეხვედრა ბოლნისის მუნიციპალიტეტის სკოლებთან

28 სექტემბერს, სამოქალაქო განათლებისა და პედაგოგთა გადამზადების პროგრამის ფარგლებში ბოლნისის მუნიციპალიტეტის #5 საჯარო სკოლაში, პროგრამის კოორდინატორმა ორგანიზაციამ ქვემო ქართლში- საგანმანათლებლო ინიციატივების ქართული ასოციაცია, ჩაატარა საკონსულტაციო შეხვედრა საგრანტო პროექტების წერასთან დაკავშირებით. შეხვედრას ესწრებოდა 26 მოსწავლე და 7 პედაგოგი ბოლნისის  #1, #3, #5, რატევანის, ძველი ქვეშის, ტანძიის, დმანისის მუნიციპალიტეტის სოფ.იაღუბლოს  სკოლებიდან. მონაწილეებმა გაიგეს რა სახით უნდა წარადგინონ საკონკურსო პროექტი, როგორ უნდა შეადგინონ ბიუჯეტი, დაწერონ სამოქმედო გეგმა და თანამონაწილეობის წერილები. ახალგაზრდებს შესაძლებლობა მიეცათ შეკითხვებზე პასუხი უშუალოდ პროგრამის ქვემო ქართლის კოორდინატორისგან გაეგოთ.

ვიზიტი კაზრეთის #1 საჯარო სკოლაში

„საფიხვნოს“ წევრებმა სტუმრებს გაუზიარეს თავიანთი გამოცდილება, ისაუბრეს მათ მიერ განხორციელებული აქტივობების შესახებ, გააცვნეს ის წარმატებები, რის გამოც კლუბმა საჩუქრად მიიღო ტექნიკა -  როგორც რეგიონის ერთ-ერთმა საუკეთესო კლუბმა. „საფიხვნოს“ წევრებმა სამოქალაქო კლუბის არსებობის წელიწადის განმავლობაში მრავალ წარმატებას მიაღწიეს - მიიღეს და განახორციელეს გრანტი, დაგეგმეს და განახორციელეს არაერთი საკლუბო აქტივობა, ადგილობრივ თვითმმართველობას მიმართეს თემში არსებული პრობლემების მოგვარების საინტერესო ინიციატივებით, ხელისუფლების დახმარებით განახორციელე მრავალი, თემისათვის სასარგებლო აქტივობა. კლუბის მეურვე დასახელდა წლის საუკეთესო პედაგოგად რეგიონიდან, კლუბმა პროგრამის ხელმძღვანელებისაგან მიიღო ტექნიკა საჩუქრად და მრავალი სხვა.. თუმცა კლუბის მთავარ მიღწევად მათი ინიციატივის საფუძველზე დაბა კაზრეთის ადგილობრივი მუნიციპალიტეტის მიერ თემის პრობრლემების მოგვარებისათვის გადადგმული ნაბიჯები და კონკრეტული შედეგებია: კლუბის ინიციატივით ადგილობრივმა ხელისუფლებმა ბიუჯეტიდან დამატებით გამოყოფილი რესურსებით შეაკეთა კიბე, რომელიც სკოლის ეზოში გადიოდა და აკავშირებდა დაბის პირველი და მეორე მიკრორაიონების  მოსახლეობას ცენტრალურ გზასთან.   იმავე კიბესთან დამონტაჟდა გარე განათებაც, რათა მოსახლეობას საღამოსაც უსაფრთხოდ შეძლებოდა აღნიშნული კიბით სარგებლობა..

22 ივნისს  ბოლნისის მუნიციპალიტეტის დაბა კაზრეთის #1 საჯარო სკოლის სამოქალაქო კლუბ „საფიხვნოს“ წევრები მეზობელი მუნიციპალიტეტების საჯარო  სამოქალაქო კლუბების წევრებსა და მეურვეებს მასპინძლობდნენ. შეხვედრას ესწრებოდა დაბა კაზრეთის მუნიციპალიტეტის რწმუნებული ბ-ნი ნუგზარ ყალიჩეიშვილი, რომელმაც ისაუბრა სამოქალაქო კლუბთან თანამშრომლობის შესახებ, მოსწავლეების მიერ ინიცირებულ აქტივობებზე და სხვა.

შეხვედრაზე ასევე მოწვეული იყო ბოლნისის მუნიციპალიტეტში არსებული 5 მეზობელი სკოლის სამოქალაქო კლუბების წარმომადგენლები, მათ შორის აზერბაიჯანული და სომხური სკოლებიდან.

მოწვეული სტუმრები დაინტერესდნენ „საფიხვნოს“ წევრების მიერ განხორციელებული აქტივობებით, მიიღეს კონკრეტული რჩევები მომავალი საკლუბო საქმიანობის უკეთ წარმართვისათვის, დაისახა ერთობლივი აქტივობების გეგმებიც.

ძველი ქვეშისა და ქვემო ბოლნისის სამოქალაქო კლუბების წევრები რუსთავის იუსტიციის სახლს ეწვივნენ

 7 ივნისს ბოლნისის მუნიციპალიტეტის სოფ. ძველი ქვეშის საჯარო სკოლისა და სოფ. ქვემო #1 საჯარო სკოლის სამოქალაქო კლუბების წევრები და კლუბის მეურვეები ქ. რუსთავის იუსტიციის სახლს ეწვივნენ.  აზერბაიჯანელი  მოსწავლეები ადგილზე გაეცვნენ  იუსტიციის სახლის სერვისებს, სამოქალაქო და საჯარო რეესტრის სამსახურების მიერ მოქალაქეებისათვის შეთავაზებულ მომსახურეობას.

ვიზიტის შემდეგ მოსწავლეები ეწვივნენ ქვემო ქართლის რეგიონში პროგრამის პარტნიორი ორგანიზაციის ოფისს, სადაც ისინი კიდევ ერთხელ გაეცვნენ სამოქალაქო განათლებისა და პედაგოგთა გადამზადების პროგრამას, მის მიზნებსა და პრიორიტეტებს.

სამოქალაქო კლუბების წევრები შეხვედრით კმაყოფილნი დარჩნენ, დასახეს მომავალი აქტივობების გეგმები.

ევროპელმა მოხალისეებმა აზერბაჯანელ მოსწავლეებს ჩაუტარეს ინტერაქტიული ვორკშოპი, რომლის მიზანი მათ ინტეგრაციის ხელშეწყობა და სამოქალაქო გააქტიურება იყო.

ქვემო ბოლნისის #1 საჯარო სკოლის აზერბაიჯანელი მოსწავლეები სტუმრად ქ. ბოლნისის საგანმანათლებლო სარეაბილიტაციო ცენტრში

30 მაისს ბოლნისის რაიონის სოფელ ქვემო ბოლნისის #1 საჯარო სკოლის აზერბაჯანული სამოქალაქო კლუბის „ხელი ხელს“ წევრები და ამავე სკოლის სხვა მოსწავლეები (სულ 20 მოსწავლე) და მასწავლებლები (ამავე რაიონის სოფელი ბერთაკარისა და ცურტავის სკოლებიდან) სტუმრად იმყოფებოდნენ ქალაქ ბოლნისის მუნიციპალიტეტის საგანმანათლებო სარეაბილიტაციო ცენტრში ,,განთიადი".

 ქვემო ბოლნისის აზერბაიჯანული სკოლის მოსწავლეებმა სსსმ მოსწავლეებს საჩუქრად გადასცეს შინ დამზადებული ტკბილეული, ახალი ხილი.

 სპეციალური საგანმანათლებლო საჭიროების მქონე მოსწავლეებმა (12 მოსწავლე) მოაწყვეს თავიანთი ხელნაკეთი ნამუშევრების გამოფენა-გაყიდვა. ბოლნისელმა მოსწავლეებმა შეიძინეს სარეაბილიტაციო ცენტრ „განთიადის“ მოსწავლეების ნამუშევრები, გამოფენა-გაყიდვით მიღებული შემოსავალი მოხმარდება ცენტრის რესურსების გამდიდრებას. 

ქვემო ბოლნისის მოსწავლეებმა მოაწყვეს პოეზიიის საღამო, აზერბაიჯანელმა ბავშვებმა წაიკითხეს ქართული ლექსები. შეხვედრის ფარგლებში გაიმართა სახალისო თამაშები, რამაც ძალიან შეუწყო ხელი აზერბაიჯანელი და სსსმ მოსწავლეების ინტეგრაციას.  ორივე სკოლის მოსწავლეები კმაყოფილები დარჩნენ, დამეგობრდნენ და კვლავაც გამოთქვეს შემდგომში შეხვედრის სურვილი.

ბიბლიოთეკის გახსნა სოფ. ძველი ქვეშის საჯარო სკოლაში

ღონისძიებას დაესწრნენ PH International - ის წარმომადგენლები: ინგა ქიბროწაშვილი- საგრანტო პროექტების მენეჯერი და სანდრო ასათიანი- სოც. მედიის კოორდინატორი. ააიპ სიქა-ს წარმომადგენლებმა ბიბლიოთეკას გადასცეს წიგნები და სხვადასხვა საკანცელარიო ნივთები.

17 მაისს ბოლნისის მუნიციპალიტეტის სოფელ ძველი ქვეშის სკოლის მიერ მოპოვებული საგრანტო პროექტის  „ბიბლიოთეკა – ნაბიჯი ინტეგრაციისთვის“ ფარგლებში განხორციელდა პროექტის ბოლო ეტაპი, სკოლის შენობაში ბიბლიოთეკის გახსნა.

სოფ. ძველი ქვეშის საჯარო სკოლაში სწავლების ენა აზერბაიჯანულია; მოსწავლეების უმრავლესობამ ძალიან ცოტა რამ იცის ქართველ მწერლებსა და მათ ნაწარმოებების შესახებ, ისიც მხოლოდ სახელმძღვანელოებიდან, რაც ხელს უშლის აზერბაიჯანელი მოსწავლეების ინტეგრაციას ქართულენოვან საზოგადოებაში, მათ შორის საქართველოს მოქალაქეობის გრძნობის განვითარებას. სკოლაში ქართული წიგნები მცირე რაოდენობითაა და ბიბლიოთეკის არარსებობის გამო დირექტორის კაბინეტში ინახება. ქართული კულტურის არცოდნა იწვევს აზერბაიჯანელი ეთნოსის მოსახლეობის  გაუცხოებას, ჩაკეტვას საკუთარ თემში.    სწორედ ამ პრობლემის გადაჭრას ისახავს მიზნად პროექტი „ბიბლიოთეკა – ნაბიჯი ინტეგრაციისთვის“, რომლის ფარგლებშიც სოფ. ძველი ქვეშის საჯარო სკოლაში ქართულენოვანი ბიბლიოთეკა მოეწყო. საგრანტო პროექტით მიღებული დაფინანსებით შეძენილ იქნა წიგნები და თაროები. ასევე მოხდა ადგილის გამოყოფა სკოლის მესამე სართულზე, ოთახის დასუფთავება და კეთილმოწყობა, ბიბლიოთეკის იერსახის მიცემა.  სკოლაში უკვე არის  ქართული ენისა და ლიტერატურის სახელმძღვანელოები, მრავალფეროვანი ლიტერატურა, რომლითაც ისარგებლებენ არა მხოლოდ მოსწავლეები, არამედ ქართული ენისა და სხვა საგნების პედაგოგებიც და მშობლებიც. პროექტის მთავარი მიზანი არის ის, რომ აზერბაიჯანულ სოფელში ქართულენოვანი ბიბლიოთეკის სახით გაჩნდეს ერთგვარი ქართული ნიშა, რომელიც უფრო მეტად შეუწყობს ხელს მოსწავლეთა და ზოგადად თემის ინტეგრირებას ქართულ საზოგადოებაში. ქართული კულტურის გაცნობა ხელს შეუწყობს მათში საქართველოს მოქალაქეობის შეგრძნების განვითარებას.

წიგნების ნაწილი პროექტის წევრებმა იყიდეს დაფინანსებით გამოყოფილი თანხით, ნაწილი კი შეაგროვეს მოხალისეობრივ საწყისებზე.

ღონისძიების დასასრულს, სანდრო ასათიანმა დამსწრე საზოგადოებას,  სკოლის მოსწავლეებს გადასცა და გააცნო თავისი საბავშვო წიგნები და ჟურნალები, გააკეთა მათი ელ. პრეზენტაცია. ასევე სკოლის მოსწავლეებს მოუტანა გასაფერადებელი ნახატები წიგნებიდან და  დრო დაუთმო მათ გაფერადებას მოსწავლეებთან ერთად.

ბიბლიოთეკის გახსნაში მონაწილეობას იღებდნენ: 30 მოსწავლე, 10 მასწავლებელი, 10 თემის წარმომადგენელი, ბოლნისის რესურს ცენტრის 2 წარმომადგენლი.

პროექტის მთავარი მიზანი– ბიბლიოთეკა მუდმივად იფუნქციონირებს და იმუშავებს. მომავალში ბიბლიოთეკაში მოეწყობა სხვადასხვა სახის ღონისძიებები, როგორიცაა პოეზიის საღამოები, შეხვედრები ქართველ მწერლებთან, პოეტებთან, კინოჩვენებები და ა.შ. და რაც ყველაზე მნიშვნელოვანია, სკოლაში უკვე არსებობს საინიციატივო ჯგუფი, რომლის დახმარებითაც მოეწყო ბიბლიოთეკა, ეს იქნება ძალიან კარგი და მყუდრო ადგილი მომავალში სამოქალაქო კლუბის მუშაობისთვის.

ვიზიტი ბოლნისის მოხუცებულთა სახლში "ჭაღარა"

15 მაისს ბოლნისის მუნიციპალიტეტის სოფელ ქვემო ბოლნისის  #1 საჯარო სკოლის მიერ მოპოვებული საგრანტო პროექტის  „ხელი- ხელს“   ფარგლებში განხორციელდა მორიგი ღონისძიება, რომლის ფარგლებშიც პროექტის წევრები და ქვემო ბოლნისის #1 საჯარო სკოლის მოსწავლეები და მასწავლებლები ეწვივნენ ბოლნისის მუნიციპალიტეტში არსებულ მოხუცთა სახლს „ჭაღარა“.

ააიპ სიქა- საგანმანათლებლო ინიციატივების ქართული ასოციაცია 2011 წლის გაზაფხულზე ესტუმრა მოხუცებულთა სახლს „ჭაღარა“, სიქას წევრებმა გაითვალისწინეს ქვემო ბოლნისის პროექტის ეს ეტაპი და მოამზადეს მინი-ვიდეო, სადაც წინა შეხვედრა ნათლად იყო აღბეჭდილი. დღეს მოხდა ამ ვიდეოს პრეზენტაცია ხანდაზმულებთან. ქვემო ბოლნისის #1 სკოლის მოსწავლეებმა მოამზადეს ლექსები ქართულ და აზერბაიჯანულ ენაზე და წაუკითხეს დამსწრე საზოგადოებას. ერთ-ერთმა ნიჭიერმა მოსწავლემ დაუკრა აზერბაიჯანულ ნაციონალურ ინტსრუმენტზე, რამაც ძალიან დიდი მოწონება დაიმსახურა. მონაწილეები მოხუცებს გაუმასპინძლდნენ მათივე სოფლის ხილით, რომელიც ამ სკოლების მოსწავლეების მოხალისეობით იქნა შეგროვებული, ასევე გადაეცათ ტკბილეულობა და წიგნები, რომლის ნაკლებობას ძალიან განიცდიდნენ. მოხუცები საკმაოდ კმაყოფილები დარჩნენ განვლილი დღით, სტუმრებით და მიღებული საჩუქრებით.

ღონისძიებაში მონაწილეობას იღებდნენ: 20 მოსწავლე, 4 მასწავლებელი, მოხუცებულთა სახლში მყოფი 10 ხანდაზმული.

საგრანტო პროექტის „ხელი-ხელს“ ფარგლებში განხორციელებულ ღონისძიებაში ჩაერთო 3 უცხოელი მოხალისე, ორი რუმინელი დანიელ ტროფინი და რეზვან ალისტარი, ასევე პოლონელი ბლანკა რუდნიცკა, რომლებმაც  აზერბაიჯანელ ახალგაზრდებს და მოხუცთა სახლის წევრებს, თვითონ მოხუცებს გაუზიარეს  მოხალისეობის ევროპული გამოცდილება, პროექტის წევრებს დაეხმარნენ ღონისძიების წარმართვაში.

ღონისძიება გააშუქა ადგილობრივმა ტელევიზიამ „ბოლნელი“.

ხეების დარგვა ქვემო ბოლნისის #1 და #2 საჯარო სკოლების ტერიტორიაზე

ქვ. ბოლნისის #1 საჯარო სკოლის კლუბ "ხელი ხელს" წევრებმა, თავიანთი სკოლის ეზოში ხეების დარგვის შემდეგ მცირე მსვლელობა მოაწყვეს ქვემო ბოლნისის #2 საჯარო სკოლამდე, სადაც ასევე დარგეს ნერგები.გრანტის ფარგლებში კლუბ "ხელი ხელს" გადაეცა ციფრული ფოტოკამერა, რომლითაც იქვე გადაიღეს აქტივობის ამსახველი ფოტოები და ჩაწერეს ვიდეო-ინტერვიუები აქციის მონაწილეებთან.

21 აპრილს ბოლნისის მუნიციპალიტეტის სოფელ ქვემო ბოლნისის #1 საჯარო სკოლის სამოქალაქო კლუბმა განახორციელა საგრანტო პროექტით - "ხელი ხელს", გათვალისწინებული პირველი ეტაპი, კერძოდ ხეების დარგვა სკოლების ეზოებში.  პროექტი "ხელი ხელს" ემსახურება არაქართული სოფლის სასკოლო სამოქალაქო კლუბის წევრების მოხალისეობრივი კულტურის გაძლიერებას. ხეების დარგვაში მონაწილეობდა 40-მდე მოხალისე: 30 მოსწავლე, 5 მასწავლებელი და თემის წარმომადგენლები. მათ 40 ნერგი, სხვადასხვა ხის ჯიშის: ვაშლი, მსხალი, ბალი, ბროწეულის და სხვა, დარგეს ორი სკოლის მიმდებარე ტერიტორიაზე, სოფელ ქვემო ბოლნისის #1 და #2 საჯარო სკოლების ეზოებში.

ამ ღონისძიებით ქვემო ბოლნისის სკოლების მოსწავლეებმა მიიღეს გამოცდილება მოხალისეობის კუთხით და განახორციელეს მთელი თემისთვის სასარგებლო სამოქალაქო აქტივობა.